Тревникот меѓу спортскиот центар Борис Трајковски и ГОБ 8 Септември дефинитивно е посакуваната локација за изграда на новиот клинички центар. Преговорите со сопствениците на земјиштето се пред крај, а според премиерот Христијан Мицкоски, за многу скоро од денеска на маса ќе бидат ставени сите важни детали – од тоа како ќе изгледа и како ќе функционира центарот – до тоа колку ќе чини и за колку време ќе биде изграден.
“Новиот клинички центар е планиран да биде на платото пред или зад базенот „Борис Трајковски“.Тоа се двете можниости за кои размислуваме и преговараме. Многу бргу ќе имаме конечно решение, а како сето тоа ќе биде интегрирано, допрва ќе носиме одлука“, рече тој.
И додека граѓаните го чекаат новиот Клинички центар, надлежните вложуваат во други сегменти од здравствениот систем со цел пациентите да добијат покавлитетна здравствена услуга и навремена дијагностика.
Една од нив е Клиниката за неврологија – одделот за неврофизиологија доби целосно нов лик. Со нов ентериер, но и нова апаратура.
“Од слепо црево на Клиничкиот центар, овој објект стана функционална зграда. Целосно е обновен внатрешниот дел на Клиниката, а во следната фаза ќе се реконструираат и кровот и фасадата. Од запуштен објект добиваме функционална средина, попријатна за работа на медицинскиот персонал, но што е најбитно, и за пациентите. Напорно работевме покрај просторните услови да го подобриме и капацитетот на лекарите и останатиот персонал” – изјави директорот на Клиниката, Јован Божиновски.
Петте клучни проекти на Владата се изградбата на Клиничката болница во Штип Изградба на комлетно нов Медицински факултет и нов студентски дом со најмалку 200 легла. Реконструкција на тетовската болница и изграба на нова во Кичево со нов Здравствен дом.
Изминатиот период се реконтруирани повеќе болници, а и операционите сали на Клинички и на ГОБ 8-ми септември добија целосно нов изглед.
