Градоначалничката на Општина Кисела Вода, Стаменкоска Трајкоска, остро реагираше на, како што рече, обидите за доведување на јавноста во заблуда и политички провокации од страна на општински советници.
Таа директно му се обрати на советникот Петар, обвинувајќи го дека со вадењето на асфалтот правел „театар“ пред граѓаните, а притоа упати и сериозни обвинувања дека ѝ се заканувал по нејзините деца.
Стаменкоска Трајкоска порача дека нема да дозволи, како што рече, да падне на нивото на провокациите и заканите, додавајќи дека Општина Кисела Вода работи на повеќе проекти од значење за граѓаните.
Како пример ги посочи изградбата на основното училиште „Невена Георгиева-Дуња“, како и проширувањето на капацитетите во ООУ „Кирил Пејчиновиќ“, со што, според неа, се создаваат услови за едносменска настава.
Градоначалничката нагласи и дека дел од проектите кои требало да бидат завршени во 2027 година се реализираат пред предвидениот рок.
„Многу проекти со гордост како градоначалник можам да кажам, благодарност на администрацијата и на изведувачите, наместо да бидат завршени во 2027 година, тие се завршени предвремено. Така се работи за граѓаните“, порача Стаменкоска Трајкоска.
Видеото може да го погледнете на следниот линк:
