Растот на бруто-домашниот производ и индустриското производство се показатели дека македонкста економија е на пат на стабилизација, оцени премиерот, Христијан Мицкоски. Според него, по период на економски предизвици, позитивните трендови стануваат се поизразени. Тој очекува економијата да пртодолжи да испорачува позитивни трендови и економскиот раст да продолжи:
„Оваа година планираме растот да биде помеѓу 3,5 до 4%. Реалниот раст да продолжи, а нминалниот да се движи некаде околу 8%. Она кое што е предизвик повеќе е фактот што овој раст се случува во период кога имаме раст на европската економија помала од 1% на годишно ниво, а нас најголем трговски партнер ни е смата ЕУ.“, изјави премиерот Христијан Мицкоски.
Во ваков амбиент, опозициската СДСМ критикува дека Владата ја презадолжила државата. Тврдат дека Владата усвоила ново задолжување од 1,3 милијарди евра, со што вкупното задолжување во изминатите две години достигнало четири милијарди евра. Според нив, буџетскиот дефицит надминува четири проценти од БДП.
„ Мицкоски за две години, направи 30% од вкупниот јавен долг од независноста на Македонија до денес. Но каде одат парите? Сите пари одат во криминални партиски тендери“, изјави Богданка Кузеска, Портпаролката на СДСМ.
Премиерот Мицкоски реагира дека е јасно за што и каде одат парите. Владата се задолжува за да ги врати долговите кои ги направила претходната власт.
„Владата во овој период се задолжува за да врати стари долгови, односно да бидам попрецизен, пре днекој ден имаше свое интервју поранешен функционер во Владата на СДСМ и ДУИ кој што денеска се рпетсѕавува кко експерт. Смиот кажа дека кога тие дошле во самото министерство за финансии за камати плаќале 120 милиони евра.“, вели премиерот Христијан Мицкоски.
Владата ваквите критики ги оценува како политички напади и обид да се прикаже состојбата полоша отколку што е.
