Филмска вечер на отворено, по втор пар се одржа во дворот на основното училиште „Карпош“ во село Умин дол, кумановско. Настанот го организира руралното училиште „Карпош“ од кумановското село Умин Дол, во соработка со Фото киноклуб „Козјак“ – Куманово и „Рурал Ума Сто“, невладина организација за промоција на рурален туризам, од Умин дол и Ново Село, кумановско.
Донираните средства ќе бидат наменети за тековните потреби на училиштето.Публиката во училишниот двор ја проследи премиерата на краткометражниот филм „Ѕвезди“, дело во продукција на членовите на училишната драмска секција.
Присутните проследија и два краткометражни филмски приказни од меѓународниот фестивал „Филмај“, по што имаа можност за дружење и забава.
Младите креативци од драмската секција бележат врвни резултати, во последните две години на локално и национално ниво, освојувајќи награди и признанија.
