Во пресрет на првиот училишен ден, градоначалникот на Општина Бутел одржал работен состанок со директорите на општинските основни училишта и директорот на детската градинка, на кој се разговарало за подготвеноста на образовните установи за успешен почеток на новата учебна година.
На состанокот, како што соопштија од општината, било утврдено дека општинските основни училишта во Бутел подготвени за стартот на новата учебна година.
-Општина Бутел и оваа година обезбеди ранче, училишен прибор и училишна униформа за секое прваче, со цел да им се олесни почетокот на образованието на најмладите ученици и да се обезбеди поддршка за нивните семејства – наведуваат од општината.
Оттаму додаваат дека со навремено преземените активности и подготовки, создадени се сите потребни услови за успешен почеток на новата учебна година, со континуирана заложба за подобрување на условите за учениците и унапредување на образованието.
