Состојбата со вирусот западнонилска треска засега е стабилна. Трет ден по ред нема нови потврдени, ниту сомнителни случаи, информираат од Центарот за јавно здравје.
На Инфективната клиника во моментов се лекуваат 18 пациенти, сите со тешка форма на инфекцијата. Петмина се на респиратор. Досега се потврдени вкупно 53 случаи, од кои 29 пациенти се излекувани, а шестмина починале.
Здравствените власти продолжуваат со активности на 34 ризични подрачја со застоени води и места погодни за размножување на комарци, додека АХВ ги засили контролите кај живината и птиците. Препораката останува иста – заштита од комарци и навремено јавување на лекар при појава на симптоми.
