Расфрлани делови од покривни конструкции и друг материјал по улиците, како и паднати гранки и дрвја, по невремето што синоќа зафати повеќе градови и населени места во североисточниот и источниот дел на Македонија. Пороен дожд, силен ветер и грмежи имаше во Куманово, Крива Паланка, Делчево, Виница Кочани и околните населени места .
Во Облешево дошло и до прекин на прекин во снабдувањето со електрична енергија, а регистрирани биле и проблеми во сообраќајот.
Во кумановскиот регион има паднати дрвја на патиштата, но и откорнати покриви и лимови од станбени објекти и локали.
Во Кочани на повеќе локации во градот биле предизвикани проблеми во сообраќајот. Делови од градот останале без електрична енергија.
По синоќешното невреме и прекин на електрична енергија во Пробиштипскиот регион, Хидросистемот „Злетовица“ има потешкотии во работењето. Штипското комунално претпријатие „Исар“ апелира до граѓаните рационално да се користи водата.
–Екипите на Злетовица и на ЈП Исар координирани работат за надминување на овој проблем со водоснабдувањето а од вас граѓаните бараме разбирање и трпение се до надминување на овој проблем настанат како резултат на елементарна непогода која што се случи во Пробиштипскиот регион-истакна директорот на ЈП Исар Александар Арсовски.
Во општина Пробиштип се санираат штетите од синоќешното невреме, а делови од Општината немаат електрична енергија. Инаку поради вчерашното невреме ообраќајот на магистралниот пат Кочани–Штип бил во прекин поради наноси и паднати дрвја на коловозот. Блокирани биле и неколку патни правци околу Кочани. Стопиран сообраќајот на излезот од градот кон Виница, поради срушени стебло од дрво и гранки.
Според првичните информации нема повредени лица, но е предизвикана голема материјална штета. Во засегнатите општини недлежните се на терен и ги санираат штетите.
Од УХМР велат дека најмногу количина дожд наврна во Крива Паланка, 30 литри на метар квадратен и Струмица со 18 л/м2 наврнале во Струмица, 13 Виница, 8 Берово, 6 Тополчани, 3 Битола, 1 Радовиш, Крушево. И за денес се најавува локална нестабилност со пороен дожд, грмежи и засилен ветер. Ќе дува слаб до умерен ветер од југоисточен правец.
