Во Скопје, денес, се одбележуваат 116 години од раѓањето на Мајка Тереза. Одбележувањето, кое со разчни настани ќе трае десетина дена, почна утрово со положување цвеќе пред спомен-плочата на нејзината родна куќа во центарот на главниот град.
Прв кој положи цвеќе и кој ги предводеше делегациите беше министерот за европски прашања и прв вицепремиер во Владата, Беким Сали.
– Денес сме тука во близина на старата куќа на Мајка Тереза во центарот на Скопје, таму каде што семејството Бојаџиу имаше ќерка која ја пренесе пораката на хуманизмот во целиот свет, позната како Мајка Тереза. За нас е гордост како скопјанка, како Албанка, и ние имаме обврска да потсетуваме на нејзината дејност и на нејзината порака по што ја знае целиот свет – рече Сали.
Воедно, министерот во изјавата додаде дека денеска исто така почнува втората фаза од изградбата на автопатот Блаце – Скопје.
