Фасцинантно небо… За само 24 часа, светот уживаше во три небески спектакли: затемнување на сонцето, дожд од метеори и планетарна парада. Жителите на Северната хемисфера сведочеа на целосно затемнување на Сонцето видливо низ делови од Гренланд, Исланд, северна Русија, Атлантскиот Океан, но и Шпанија и мал дел од Португалија. Само делумно во остатокот од Европа.
,,Стана потполно темно, а потоа светлината се врати. Беше навистина прекрасно” – изјави граѓанка.
,,Не знам како да објаснам но изгледаше како различна перспектива на времето, како целиот ден да дојде во дадениот момент… Ме натера да размислувам за острината на животот, за тоа дека времето може да биде различно” – кажа друга граѓанка.
Вториот небески спектакл беше метеорскиот дожд Персеиди, еден од најпознатите и најатрактивните метеорски дождови во годината.
Во раните утрински часови пак, на небото беше видлива и ѕвездена парада: на иста линија се најдоа шесте планети: Меркур, Марс, Јупитер, Сатурн, Уран и Нептун.
И Македонците се обидоа да стигнат до соодветните точки за да го доживеат барем делумно спектаклот- затемнување на сонцето и метеорскиот дожд. Огромен број граѓани истовремено тргнаа кон Козјак и околните скопски височини создавајќи километарски колони.
Почна околу 19:30 часот, а максимумот, околу 5 отсто видливо затемнување, го достигна шест минути потоа… а заврши околу 19 и 40 .
Уште еден феномен на небото ќе биде видливо за Македонците, на големиот празник 28 август. Тогаш ќе се случи не толку реткото –затемнување на Месечината.
