Извозот во трка со увозот – македонските производи се’ по конкурентни на странските пазари. И покрај неизвесносноста на светските пазари, македонската надворешна трговија добива на динамика, а дома произведеното станува се поконкурентно во странство. Според државниот завод за статистика трговската размена во јули е зголемена за дури 17,2% во споредба со истиот месец во 2025, а се зголемува и покриеноста на увозот со извозот која достигнува 71,3%.
„Вкупната вредност на извозот на стоки во периодот јануари – јуни 2026 година, изнесува 268 993.7 милиони денари и бележи пораст од 8.00 % во однос на истиот период од претходната година. Вредноста на увезената стока, во периодот јануари – јуни 2026 година, изнесува 377 116.5 милиони денари, што е за 7.69 % повеќе во споредба со истиот период од претходната година“, соопштија од Завод за статистика
Најголем раст е забележан кај минералните горива, мазива и сродни производи односно 43,5%. Веднаш потоа се животинските и расителни масла, масти и восоци со 33%. Во извозот и натаму доминираат катализаторите носачи на благородни метали или нивни соединенија а кај увозот најзастапени се платината и легури на платина, нафтени масла.
Кога се работи за трговските партнери и натаму најзначајна останува Германија со која трговската размена изнесува 2,1 милијарда евра:
„Во периодот јануари – јуни 2026 година, според вкупниот обем на надворешнотрговската размена, најмногу се тргувало со Германија, 2,1 милијарда, Велика Британија 1,1 милијарда, Грција 751 милион Кина, 655 милиони и Србија, 619 милиони евра, земји кои учествуваат со 50.0 % во вкупниот обем на размената.
Според податоците, Европската унија останува главен извозен пазар за македонските производи со вкупна размена од 58%. Инаку во првата половина на 2026 регистрирана е трговска размена од вкупно 10,5 милијарди евра а извозот е пораснат за 8% во според за увозот кој пораст од 7,7%
