Македонија не треба да стравува. Струја ќе има, добра е покриеноста од домашното поризводство, акумулациите се полни. Од министерството за енергетика соопштуваат дека во мај годинава во земјава се произведени 462 653 мегават часови електрична енергија, со што се покриени 96,5 отсто од домашната потрошувачка. Велат дека значително е зголемено производството од хидроелектраните – за 76 проценти во однос на истиот период лани, како и раст од околу 10 проценти кај ветерните електрани.
„Овие резултати се потврда дека постепената диверзификација на производните капацитети, внимателното управување со акумулациите и подобреното планирање придонесуваат за поголема отпорност на македонскиот енергетски систем во услови на сè почести климатски промени, велат од Министертвото за енергетика и минерали
Експертите велат дека резултатите се добри, пред се поради големиот број на изградени фотоволтаични централи и ветерници. Но, предупредуваат дека е потребно рационалното користење на водата.
Ниа сега ако оваа хдироенергија ако ја користиме вака ќе ја потрошиме за многу кратко време. Кога најмногу ни треба во зимската сезона ќе немаме. И показателите покажуваат дека даваме големи суми за увоз на електрична енеегија, тоа е обично преку зимскиот период, вели Ристо Цицонков, експерт.
Според експертите за целосна енергетска независност, Македонија одамна требало да изгради државна когенеративна централа. Но, за да се заштеди на време и пари и да не се почнува од нула, Цицонков, вели дека треба да размислува за модернизација на ТЕЦ Неготино. Таа би требало да работи како батерија, но и како производствен капацитет.
„Значи да не се почне од нула изградба на нова, туку дел од таа термоелектрана да се користи. Може и целосно да се користи наместо мазут да се направат горилници на гас, меѓутоа нема да биде искористена максимално потенцијалната енергија од гасот, подобро е да се направи комбијнација да се стави гасна турбина и овој потосечкиот дел да се користи како генерација“, вели Цицонков.
Само на ваков начин експертите тврдат дека Македонија би била вистински енергетски независна. Воедно, од енергетика, велат дека паралелно се инвестира во нови капацитети за производство од обновливи извори, во модернизација на електроенергетската инфраструктура, развој на батериски системи за складирање на електрична енергија, како и во проекти што ќе овозможат поголема флексибилност и побрзо прилагодување на системот во услови на климатски и пазарни промени.
