Директорот на Технолошко-индустриските развојни зони (ТИРЗ) ,Гоце Димовски, ја посети компанијата „Шахтерм“, каде што изврши увид во текот на градежните активности на инвестицијата, чија реализација почна во мај минатата година, а почетокот на производството се очекува до крајот на годината.
Како што стои во соопштението од ТИРЗ, во рамките на посетата Димовски оствари средба со менаџментот на компанијата, на која беа разгледани динамиката на реализација на проектот, тековните активности на локацијата и следните чекори до воспоставување на производствените капацитети.
Димовски нагласи дека ТИРЗ остануваат посветен партнер на компаниите што инвестираат во зоните обезбедувајќи поддршка и навремена комуникација во сите фази од реализацијата на инвестициските проекти.
– Успешната реализација на секоја инвестиција е резултат на добра координација, отворена комуникација и партнерски однос меѓу компаниите и институциите – истакна Димовски.
Генералниот менаџер на „Шахтерм“, Фарук Шахин, изрази благодарност за континуираната поддршка и соработка со Дирекцијата за ТИРЗ нагласувајќи ја важноста од ефикасната координација со институциите во периодот на реализација на инвестицијата.
– Благодарност за континуираната поддршка и соработка со Дирекцијата за ТИРЗ, при што беше истакната важноста од ефикасната координација со институциите во периодот на реализација на инвестицијата – посочи Шахин.
Од ТИРЗ информираат дека инвестицијата на „Шахтерм“ е вредна 100 милиони евра и опфаќа производствен објект со површина од над 13.000 квадратни метри, при што се очекува отворање 1.000 нови работни места. Според соопштението, Дирекцијата продолжува со активностите насочени кон создавање стабилна и конкурентна инвестициска средина и поддршка на компаниите што придонесуваат кон економскиот раст и развој на земјата.
