Цената на нафтата на светските берзи полека паѓа. Се движи на границата од 85 долари за барел. Минатата недела, берзанската цена го надмина прагот од 100 долари за барел, па речиси сите земји во регионот реагираа, некои за запирање на покачување на цените, а други пак со воведување рестрикции. Во Македонија рестрикции нема, а и владините политики овозможија и оваа недела македонските граѓани да имаат најниска цена на горивата споредено со регионот. Согласно јавно објавените податоци на цените на нафтените деривати во регионот, цената на дизел горивото во Македонија е најефтино. Македонските возачи точат поефтин дизел од Бугарија, Србија, Хрватска, Словенија, Црна Гора и Романија. Слична е и состојбата и со бензините од 95 октани, односно премиум бензините. Според анализата, Романците и Хрватите оваа недела ќе плаќаат највисоки цени за дизелот, а исто така и за премиум горивата.
„Ако на крајот од неделава планирате да заминете на продолжен викенд надвор од земјата, наточете гориво на последната бензиска станица во државава пред граница. На тој начин ќе заштедите некоја стотка“.
Од Регулаторна комисија, дополнително појаснија дека иако цената на светските берзи се нормализира и иако во одреден период се случи и поголемо намалување на суровата нафта, сепак нема да се одрази на цените во малопродажба. Причина се воените конфликти кои разрушија голем дел од рафинериите и треба подолг период за да се стабилизира преработката на сурова нафта.
