Цените во продавниците растеле побрзо од набавните цени на производите. Ова го покажале контролите на Државниот пазарен инспекторат, спроведени на околу 700 производи, во периодот од мај 2025 до мај 2026 година. Министерот Дурмиши по состанокот на Економскиот социјален совет, објасни дека за дел од прехрамбените производи и производите за лична хигиена, цените се зголемиле за 2,66%, додека просечните продажни цени пораснале за 4,56%.
„Тоа значи дека дел од растот на малопродажните цени на прехрамбените и другите производи, се зголемуваат поради брутопрофитната маржа која одредени трговци ја зголемиле оваа година, односно кога се намалиле набавните цени, тие не ги намалиле своите цени“, изјави Бесар Дурмиши министер за економија и труд.
За понеделник е закажан состанок со производителите и со дистрибутерите, на којшто ќе се разговара за продажните цени и набавните цени на големите количини. Дурмиши посочи дека најновите податоци од Државниот завод за статистика се дека и овој месец инфлацијата е намалена за 0,5 проценти,.
„Од друга страна, најновата анализа што е направена, исто така за периодот март-јуни 2026 година, покажува поинаков тренд кај производителите, односно набавните цени пораснале за околу 2,04 проценти, додека продажните цени се зголемиле за само 0,16 проценти. Тоа значи дека трендот на зголемување на бруто-профитната маржа крајните месеци е намален и цените се во стабилна фаза“, изјави Бесар Дурмиши – министер за економија и труд.
На седницата на Економско социјалниот совет, синдикате го повторие ставот дека платите не го следат растот на трошоците. Паралелно со тоа продуктивноста и профитите на газдите растат, но обичниот работник, велат не го чувствува тоа преку зголемени примања.
„За среќа и на Владата со многу статистики се покажа дека македонскиот работник е продуктивен и дека прави добри профити на страната на ра ботодавачите и владата, но тоа никако не го гледа македонскиот работник туку е убедуван дека е недоволно продуктивен и дека се луксузира со платата што ја добива“, изјави Иван Пешевски од СГИП.
Економско-социјалниот совет денеска ја усвои Годишната програма за работа за 2026 година, а беше дадена поддршка и на реформите во високото образование, кои треба да обезбедат поквалитетен кадар и поголема усогласеност на образованието со потребите на пазарот на трудот.