ВМРО – ДПМНЕ и лидерот Христијан Мицкоски, имаат убедливо најголема доверба кај граѓаните – покажува анкетата на МКД.мк спроведена од Маркет вижн. На прашањето „За која политичка партија ќе гласате на следните избори?“, ВМРО – ДПМНЕ има голема предност во однос на останатите политички партии. Истражувањето покажува и континуиран раст на поддршката за коалицијата ВЛЕН. За ВМРО-ДПМНЕ би гласале 20,5% од испитаниците, или три ипол пати повеќе од оние кои би го дале гласот на СДСМ.
ЗА КОЈА ПОЛИТИЧКА ПАРТИЈА ЌЕ ГЛАСАТЕ НА СЛЕДНИТЕ ИЗБОРИ?
ВМРО – ДПМНЕ – 20,5% ЗНАМ – 1,5%
СДСМ – 6,2% ДУИ – 5,0%
ЛЕВИЦА – 2,9% ВЛЕН – 4,4%
Во однос на довербата во лидерите на политичките партии, и по две години на власт премиерот Христијан Мицкоски останува во убедливо водство. Рејтингот на премиерот и претседател на ВМРО-ДПМНЕ е повеќе од четири пати поголем од оној на Венко Филипче. Во Мицкоски доверба имаат 23,3% од испитаниците, а за Филипче само 5,1%. Претседателите на ВЛЕН, покажуваат брз напредок и заедно имаат поголем рејтинг од опозицискиот лидер Али Ахмети.
ВО КОЈ ЛИДЕР НА ПОЛИТИЧКА ПАРТИЈА ИМАТЕ НАЈГОЛЕМА ДОВЕРБА?
Христијан Мицкоски – 23,3% Изет Меџити – 4,1%
Али Ахмети – 5,5% Димитар Апасиев – 4,0%
Венко Филипче – 5,1% Билал Касами – 2,5%
Економските прашања остануваат најголема грижа за граѓаните. Невработеноста, растот на цените, платите и пензиите остануват најголем проблем, а веднаш зад нив се корупцијата и криминалот. Истражувањето јасно го покажува незадоволството од работата на Јавното обвинителство – 35,1% од граѓаните сметаат дека нема никаква разлика во работата од претходниот обвинител, а 14, 7% оценуваат дека обвинителтвото работи полошо од претходно. За можен влез на Македонија во ЕУ со членство без право на вето, дури 80,3% одговориле потврдно.
Исражувањето е спроведено на примерок од 1.200 испитаници, репрезентативено според пол, возраст, регион и етничка припадност. Резултатите покажуваат дека довербата во правосудниот систем и натаму е ниска и покрај јасно изразените политички трендови во пресрет на следните избори.
