Здружението на слепи лица од Кавадарци и Росоман доби донација, електронска лупа, донирана од Ротари клубот од овој град.
Секретарот и претседателот на здружението, Богоја Јошев и Костадин Јанков, изразија задоволство од донацијата и истакнаа дека го поздравуваат секое донирање, што ќе го олесни животот на овие лица.
Во изјава за медиумите, претседателот на Ротари, Тодор Ефремов, рече дека овој ден има големо хуманитарно значење, затоа што во здружението на слепи лица ја предадоа електронската лупа што ќе биде во корист на лицата со оштетен вид.
– Се надеваме со ова покажуваме дека ние како Ротари клуб Кавадарци се вложуваме во заедницата и на тој начин вложуваме и во најранливите категории и дека нема да ги делиме граѓаните по ниту една основа – истакна Ефремов.
На Ротари клубот Кавадарци, во иднина му посака да има што е можно повеќе успешни проекти од ваков тип.
– Особена благодарност искажувам до Ротари клуб Кочани-Виница, со коишто го реализиравме заедничкиот проектот за електронска лупа, што ќе биде во корист на лицата со оштетен вид – истакна Ефремов.
