Летото и календарски започна, иако високите температури веќе некое време го диктираат дневниот ритам и се порано ги празнат улиците и парковите. Повозрасните граѓани меѓу првите се засолнуваат под сенка и ги прилагодуваат дневните активности и исхраната на жештините.
Па добро ние сме во ризична група прво, болни, имаме проблем со притисок, јас повеќе дома седам, не знам за другите, од сабајле излегувам, значи кога е вака малку пријатно. Полесна храна, да се јаде полесна храна, со оглед дека е топло, да се избегнува тешка храна, многу течности пијам. – вели граѓанка.
Па од сабајле излегувам малку порано пошто е поладничко, така со точакот и до кај 11 саат, се движам низ скопските улици, по паркот, после се прибирам дома под сенка, правам салата пред ручек, се спремам за ручек. -рече граѓанин.
Зависно од интересите и навиките, повозрасните граѓани си наоѓаат и начин за исполнување на остатокот од денот кога температурите ќе паднат.
Па како завршува денот, обично пуштам телевизија, па сакам да слушнам нешто вести, ме интересираат секако, треба да знаеме што се случува и така, може некој филм така нешто да се гледа и тоа е. – ни сподели граѓанка.
Па денот завршува со гледање натпревари, се прибирам дома и под сенка, мора. -раскажува граѓанин.
Од летото не може да се избега- но може полесно да се поднесе: доволен внес на течности, избегнување на сончевите зраци во најжешкиот период од денот и организирање на обврските според временската прогноза ќе им ги олеснат најтоплите денови на сите, а особено на пензионерите и останатите ризични групи.
Ана Минин
