СДСМ нема кредибилитет да зборува за земјоделието затоа што токму нивното седумгодишно владеење остави хаос, долгови и разочарани земјоделци. СДСМ остави заостанати субвенции кои Владата на ВМРО-ДПМНЕ ги исплати на земјоделците, се наведува во соопштението од ВМРО-ДПМНЕ.
Денес се исплаќаат субвенциите од 2025 година кои се тековни. Кога зборуваме за исплатени субвенции од страна на владата на СДСМ и ДУИ за периодот 2021 -2023 година тогаш доаѓаме до вкупна сума која за 3 години е помала од 14 милијарди денари.
За разлика од владата предводена од СДСМ, Владата на ВМРО-ДПМНЕ за само две години со исплаќањето на 2 милијарди денари за тутунарите, вкупно ќе има за само две години исплатено околу 15 милијарди денари субвенции. Тоа е една милијарда денари повеќе за две години отколку што СДСМ и ДУИ, исплатиле за 3 години.
Ова е вистината, а не конструкции на безидејната СДСМ која се обидува да ги манипулира земјоделците и граѓаните.
Во однос на сточарите и млекото, СДСМ како и кај многуте сектори, така и тука за 17 месеци во нивниот период на власт немаа исплатено субвенции за предадено млеко. Особено е апсурдно што токму СДСМ зборува за млекопроизводството, сектор во кој со месеци не беа исплаќани субвенции за предадено млеко.
Денес за прв пат после десет години во 2025 година има зголемување на произведените количини на кравјото млеко за 2,7% во споредба со 2024 година. Зголемување има и во производство на овчото млеко за 4% повеќе во однос на 2024 година.
Зголемување во однос на 2024 година има и во делот на производството на јајца, во произведените количини на свинско месо, количини кои целосно ги покриваат потребите на домашниот пазар. И во производството на пченица лани за прв пат после многу години, се откупија над 300.000 тони пченица.
Наместо поддршка, од СДСМ земјоделците добиваа празни ветувања и оправдувања.
Владата предводена од ВМРО-ДПМНЕ ја враќа довербата кај земјоделците и заеднички со земјоделците гради стратегија за развој на земјоделието.
