Само координираниот и заедничкиот настап на државите од регионот и европската интеграција ќе придонесат за поголема безбедност од хибридни напади. Вицепремиерот за Европски прашања Беким Сали повтори дека европската интеграција останува единствена стратешка определба за Македонија.
„Тоа ќе ја гарантира долгорочната стабилност и безбедност. ЕУ не е само политички е кономски проект. Тоа е заедница формирана на демократски врености, солидарност, соработка и колективна одговорност“, изјави Сали.
И за странските експерти интегрирањето во ЕУ ќе придонесе за поголема безбедност и поголема соработка меѓу државите од Балканот. Според романскиот експерт Јулијан Чифу од центарот за спречување конфликти и рано предупредување, ЕУ сега треба да се заложи за што побрз прием на земјите од Западен Балкан.
„Можеби е време да се затворат сите разлики, да се остави на историчарите и политичките лидери да ги решат преостанатите прашања и да се оди напред затоа што Светот не не чека. Убеден сум дека директните преговори, флексибилноста и вклучеоста на ЕУ може да ја вкчлучат Македонија, под услов да го исполни својот дел од договорот. Убеден сум дека поддршката од ЕК ќе биде пресудна дури и кога станбува збор за Бугарија. Да видиме каква ќе биде новата Влада во Софија и нивниот пристап“, рече Јулијан Чифу од центарот за спречување конфликти и рано предупредување.
И Универзитетскиот професор Александар Иванов вели дека Западен Балкан само како дел од ЕУ може да остане безбеден во сегментот на новите закани.
Малите држави и немаат голем избор освен да се придружат на поголеми геополитички блокови. Македонија не е исклучок во таа смисла. Дури и поголеми замји како Турција и Египет всушност гравитираат кон определени економски или воени блокови, изјави Александар Иванов, универзитетски професор.
На првата безбедносна конференција во Скопје, организиторите ќе донесат заклучоци кои ќе бидат доставени до владините претставници на земјите од регионот, со цел поголема координираност и одбрана од хибридни напади.
