Само во 2024-та 235 луѓе во исто време земале и пензија и социјална помош со што го оштетиле буџетто за 236 илјади евра, утврди државната ревизија. Во извештајот стои дека главен проблем се пропустите во центрите за социјална работа.
„Ревизорите утврдиле дека ЦСР и Агенцијата за вработување ја спроведуваат неефикасно законската обврска за изработка и следење на индивидуални планови за активација на невработените корисници на гарантирана минимална помош (ГМП). Плановите се изработуваат во многу мал обем, најчесто рачно наместо електронски, без функционална соработка, координатори и редовни средби меѓу институциите“ велат од ДЗР.
Државниот завод за ревизија констатира дека 2024 е најлошата во сегментот на исплата на социјални трансфери, но пропусти има и во сите останати години.
За да нема вакви аномалии Државната ревизија дава насоки со кои се бара поголема транспарентност и контрола во постапките.
Системот за остварување, исплата и контрола на правата од социјална заштита н ефункционира целосно во согласност со законските прописи, а слабите контроли и недоволната размена на информации создаваат ризик од неосновано трошење на -стои во заклучокот на Државниот завод за ревизија
Последните ревизорски извештаи кои се однесуваат за периодот до 2025-та покажаа неправилности и во Академијата за судии и јавни обвинители како и Институтот за јавно здравје.
