Поранешни работници од компаниите „Фермак Текс“ и „Европа Фешн“ во Штип побараа итна реакција од надлежните институции поради неисплатени плати, придонеси и К-15. Тие се собраа во дворот на конфекцијата која веќе не работи, барајќи конечно да го добијат она што го сработиле.
Според нив, долгот кон повеќе од 110 работници надминува 13 милиони денари, а сѐ уште не се исплатени платите за април, мај и јуни минатата година.
Станува збор за конфекции со германски капитал, а за нивното работење веќе е отворена постапка пред Германскиот национален контакт-пункт.
