Нова скандалозна одлука на Судот. Осомничениот митаџија Стефан Богоев излегува од затворот во Шутка.
Кривичниот совет на Основниот суд ја прифатил гаранцијата од 55 илјади евра во кеш што ја понудил Богоев и мерката притвор не му ја заменува со куќен притвор, туку само со одземање на пасошот и забрана за напуштање на државата.
„Кривичниот совет донесе решение со кое ја уважи жалбата и ја прифати понудената гаранција на осомничениот. Определената гаранција се состои од готови средства во износ од 55 илјади евра, во денарска противвредност, а кој износ се депонира како гаранција за обезбедување на присуство на осомничениот во понатамошниот тек на постапката“, се вели во соопштението на Судот.
Од таму додаваат дека доколку осомничениот не се придржува на мерката за претпазливост, може да се донесе построга одлука.
Инаку, Богоев, кој беше и потпретседател на СДСМ и градоначалник на Карпош, е осомничен дека примил мито од околу 2 илјади евра за да помогне да се намести тендер на Царинската управа за одржување на граничните терминали, со што е направена штета од 300 илјади евра на државата.
