Во рамките на Албанскиот саем на книгата – Скопје 2026, се одржа комеморативен книжевен час посветен на истакнатата поетеса и научничка Линдита Ахмети, по повод две години од нејзината смрт.
Преку читање и разговор за нејзината поезија, присутните се потсетија на творештвото, мислата и придонесот на Линдита Ахмети во албанската книжевност и култура, оддавајќи почит на една од најавтентичните поетски личности на современата албанска литература.
-Линдита Ахмети зад себе остави дело што продолжува да живее преку читателите и љубителите на поезијата. Сеќавањето на неа е воедно почит кон творештвото, знаењето и вредностите што таа ѝ ги подари на албанската култура- истакна градоначалникот на Општина Чаир, Изет Меџити.
Комеморативниот книжевен час беше дел од програмата на Албанскиот саем на книгата – Скопје 2026, кој се одржува на плоштадот „Скендербег“ во рамките на манифестацијата „Културно лето на Чаир 2026“.
