Скопјани секојдневно се гушат. Главниот град никако да излезе од црвената, алармантна зона. Високо котира на листата за најзагадени градови во светот. Загадувањето во Скопје многу често во зима е неколку пати над дозволеното.
Според статистиките, годишно околу 4000 до 5000 луѓе ги губат животите како последица од лошиот воздух, што е околу 18% од вкупната смртност во државава. Додека едно од девет починати деца го губи животот поради аерозагадувањето што не прави рекордери на уште една црна листа во Европа, по смрттност.
Граѓаните ги чуствуваат последиците по здравјето. Особено повозрасните и хронично болните…. Свесни за ситуацијата, поголемиот дел не излегуваат од домовите доколку немаат неодложни потреби.
“Лошо е, не излегуваме надвор пред 12:00 часот. Боли грлото, носот, главата, многу е загадено”
“Лошо е и многу смета”
“Лошо е за нас стари посебно, многу е загадено, не се дише” велат граѓаните.
Еко активистите организираа протестен марш и до Владата и Град Скопје доставија план со пакет мерки. Од Владата добиле одговор дека ќе има брза реакција и очекуваат подобрување на состојбата.
“Програмата што ја даде сега влада која е релативно нова е добра, недостига само да ја специфицираат, да кажат кои институции кога ќе започнат со потребните мерки. Но не радува што покажуваат интерес да се реши проблемот” вели еко активистот Татјана Стојановска од О2 организацијата.
Црвениот аларман не е вклучен само во Скопје. И жителите на Струмица, Кавадарци, Велес, Битола и Тетово, дишат отровен воздух.
Даниел Ѓорѓевски
