🎥 Во функција четвртата целосно сервисирана локомотива

Железници Транспорт АД Скопје денеска во функција ја пушти 4 -тата локомотива која е целосно сервисирана, а која поради неодржување од претходното раководство на компанијата беше надвор од експлоатација од 2023 година. Се работи за една од четирите локомотиви кои се набавија во 2018 година, а кои поради неконтинуираното сервисирање беа надвор од употреба повеќе од две години.

Од Железници истакнуваат дека во овој момент на располагање се вкупно 13 возови и локомотиви со кои значително се задоволуваат потребите на меѓународниот и внатрешниот железнички сообраќај.

Со враќање во функција на оваа локомотива целосно се покриваат потребите за железничкиот товарен сообраќај, што не беше случај пред една година кога немаше ниту една функционална локомотива за карго транспорт.

Видеото може да го видите на следниот линк:

Инвестициите во Железницата се примарен фокус на оваа Влада и потврда на ова се проектите за изградба и модернизација на железничкиот коридор 8, како и проектот за изградба на брза пруга на коридор 8.

Оваа година се заврши и се пушти во употреба пругата од Куманово до Бељаковце, на истата релација се пушти во сообраќај еден воз, што само ја потрдува решителоста на Владата за развој и модернизација на овој сектор.