Се одолговлекуват судските процеси за нелегално поставување на директори во струшките основни училишта,наместо пресуда за спорнотот именување на директори во основното училиште во Велешта и во струшкото “Браќа Миладиновци” ,по петти пат рочишата се одложуваат. На овој начин градоначалникот кој се најде за црната листа на САД за корупција и мешање во судски процеси,си обезбеди долго топло лето без главоболки. Неговиот адвокар непосредно пред почетокот на денешното рочиште соопштил дека е на боледување.
„Значи најпрво беше примено барање за одлагање од сведокот,еднинствениот сведок кој ни преостана да го сослушаме со обазложение дека од здравствени причини морал да се јави на преглед.Ми кажав дека доколку прегледот е во определ час ќе го посместиме да биде порано, дури и стапив во контакт со директорот на болницата за да му овозможат приоритено да му овозможат да биде слободен за судењето и откако се среди тоа примив ново барање за одлагање, овојпат од бранителот на обвинетиот во кое известува дека отворил боледување седумдневно”- вели Јордан Јованов, судија.
Со оглед на тоа дека и сведокот и адвокатот се разболеле во ист ден во период од неколку часа, судењата се одлагаат за септември затоа што од 15-ти јули судиите одат на одмор. Судењата за нелегалното поставување на директори во училиштата се влече една година,со низа одлагања, непојавување на сведоци кои потоа се носеа со полициска асистенција ,а имаше и случај кога сведокот буквално избега од холот на судот неподрено пред почетокот на рочиштето.
Инаку Рамиз Мерко се спаси од затворска казна за незаконското поставување на директори во основните училишта во Лабуништа, Радолишта и Подгорци,судот го осуди со парична казна од 10.000 евра. Со оглед на тоа дека до сега не бил осудуван,откако преходно беше ослободен од вина за набавката на луксузниот возен парк, тежок околу 114.000 евра,ова беше негова прва казна.
„За ослободителната пресуда за набавката на службеното возило, ОЈО поднесе жална до Апелациониот суд во Битола.Што се изготви и пресудата за училишатата веднаш по приемот надлежниот јавен обинител ќе ја обжали“, велат од ОЈО.
Против Мерко до овој момент се водат вкупно 7 судски постапки, при што во секоја од нив му е запретена и затворска казна. Се товари за незаконско поставување на спомен плоча на општинската зграда, случај кој исто така е заплеткан во судските лавиринти. Тој е и еден од обвинетите за бесправно градење на објект во еден струшки хотел. Судењата за училиштата продолжуваат на 16-ти септемврти.
