Преполни мртовечници со над 1450 жртви досега и десетици илјади исчезнати е црната слика која во моментов ја опишува Венецуела по разорните земјотреси кои ја погодија земјата минатата недела. Среде урнатините и неизвесноста, се појавува и некој зрак светлина: спасувачките екипи кои неуморно работат со денови, успејаа да извлечат живи затрупани лица.
Во текот на викендот спасени се најмалку 33 луѓе, а вистинско чудо е пронаоѓањето на татко и неговиот син тинејџер, четири дена по трагедијата.
Операцијата за спасување ја водеа членови на француската цивилна заштита и американски тим за пребарување, кои ден претходно ивлекоа мајка и нејзиното деветмесечно бебе од под урнатините.
Ова е второто бебе кое беше извлечено во разурнатиот Каракас. Во петокот 18 дена старото бебе Хуан Давид стана симбол на надеж откако по 32 часа под урнатините беше извлечен заедно со неговата мајка
Исторемено со спасувачките операции се одвива и идентификацијата на оние кои не добија втора шанса за живот. Најблиските на жртвите ја преплавија мртовечницата во Каракас, каде добиваат помош од волонтери кои се трудат да им ја намалат болката за изгубените.
,,Ние сме тука доброволно, да им бидеме поддршка на семејствата и на службениците кои неуморно работат уште од средата. Работат на сè што е поврзано со згрижувањето на телата, извршувањето на обдукциите, нивното предавање на семејствата, издавањето на посмртните документи, а ние ги примаме сите донации и се трудиме да им дадеме поддршка на семејствата во овие тешки моменти“, вели Камина, волонтер
И покрај меѓународната помош која пристигнува од сите страни, ситуацијата во Венецуела е алармантна. Нема доволно вода за пиење за близу 7 милиони луѓе, на кои итно им е потребно засолниште и медицинска помош.
