САД воведоа нови царини за 60 трговски партнери поради тврдењето дека не успеале да ја спречат принудната работа. Царините се движат од 10 до 12,5 проценти и се насочени кон клучните економски партнери, вклучувајќи ги Велика Британија, Кина, Европската Унија, Канада, Бразил, Јапонија, Индија, Русија и Турција. Царините стапија во сила денеска, веднаш откако истече привремената царина од 10 отсто. Шефицата на европската дипломатија, Каја Калас, реагираше дека ваквиот потег е несоодветен за условите што важат во ЕУ.
„Ако го споредите нашето трудово законодавство со она на Соединетите Американски Држави, ќе видите дека ние имаме платен годишен одмор, имаме многу добри услови за работа за нашите вработени, така што одлуката навистина не е основана“, нагласи Калас.
