Новите електрични автобуси од оваа година ќе возат по скопските улици. Успешно заврши втората тендерска постапка, па пред новогодишните празници се очекува скопјани конечно да добијат модерен јавен превоз како во европските метрополи.
Поголем дел од граѓаните велат дека одамна ги чекале автобусите и дека освен што ќе се намалат гужвите во градскиот јавен превоз, истовремено ќе се намали загадувањето. Апелираат за поголема култура и свест, особено кај помладите за да не се уништуваат автобусите.
Некои пак се скептици и сметаат дека Скопје ја нема потребната инфраструктура за ваков тип на превоз. Победник на тендерот се унгарската компанија „Икарус“ и австриски ЕВН кои заеднички понудиле цена од 50 милиони евра. Ова е за 204 илјади евра пониска сума од претходниот поништен тендер.
Трите компании кои изгубија на тендерот од денес па во наредните девет дена имаат рок за жалби. На јавниот повик се јавија четири компании од кои две од нив ги немаа исполнето условите за учество.
Според процедурите по склучување на договорот, најповолниот понудувач е должен да изврши испорака на првите 30 електрични автобуси од вкупно 150 и 15 станици за полнење од предвидените 75. Останатите ќе се испорачуваат во временски интервали наведени во договорот.
Паралелно со набавката на новите електрични автобуси, се работи и на проектот градски воз, кој се очекува да почне да вози од септември.