Најмалку 32 лица загинаа, а Американскиот геолошки завод веќе прогнозира црно сценарио дека бројот на загинати ќе надмине 10 илјади по двата катастрофални земјотреси што се случија во Венецуела.
Главниот град на Венецуела, Каракас, беше погоден од два исклучително силни и разорни земјотреси во рок од само една минута. Првиот бил со јачина од 7,2 степени, а вториот уште посилен – 7,5 степени според Рихтер.
Сеизмолозите предупредуваат на уште поцрни биланси и дека бројката на загинати може да надмине 100 илјади луѓе. Во моментов, покрај потврдените жртви, пријавени се и околу 700 повредени.
Вршителката на должноста претседателка на Венецуела, Делси Родригез, веднаш прогласи вонредна состојба и изрази сочувство до нацијата, но во вонредното обраќање не соопшти конкретни бројки за настраданите.
Помош и солидарност веднаш понудија лидерите ширум Латинска Америка, како и американскиот претседател Доналд Трамп.
Венецуела се соочува со една од најтешките природни катастрофи во својата понова историја.
