Најмалку 27 загинати во пожар во бар во Бангкок, властите велат дека излезите биле блокирани

Најмалку 27 луѓе загинаа, 63 се повредени, од кои над 20 се во критична состојба, во голем пожар што зафати бар во Бангкок. Најголемиот број од жртвите се пронајдени во тоалетите, каде веројатно се обиделе да пронајдат засолниште. „Барот има два излеза во случај на пожар. Еден бил попречен од гајби со пиво, а другиот со маса, што ја отежнало евакуацијата“, изјавија официјални лица. Првичната истрага покажала дека пожарот најверојатно бил предизвикан од електричен спој во клима-уред, но ова засега не е официјално потврдено.