Ни едократни награди, не можат да го решат недостатокот на кадар во текстилните компании. За да стимулира нови вработувања, менаџерскиот тим на светикиолските компании „Мода„ и „Камотекс„ реши со по 5000 денари го награди секој вработен кој ќе доведе нов работник. Но примерот од европските земји, кај нас не се покажа како успешен. Заинтересирани работници има, но тие не одговараат на потребните квалификации, објаснуваат мнаџерите..
„Има зголемен интерес, но не е е тој квалитет на работници кои ние го очекуваме. Доаѓаат повеќе луѓе за рачна работа кои не се нафаќаат да работат на машини, кој немаат искуство со машинска работа„ вели Ангел Димитров – менаџер на МК„Мода„ Свети Николе.
Ова само ја потврдува тезата дека за неколку години недостигот на работна сила ќе биде огромен и сериозно ќе влијае на производството. Недостиг од кадар има во речиси секој сектор. Работната рака старее, па компаниите се принудени, нудејќи повисоки К-15 и плати буквално еден од друг ги крадат квалификуваните работици. Но според светиниколчани наградата да биде и поголема ќе нема кој да ја земе, бидејќи сите работоспособни си заминаа во странство.
„Тешко тука работници, младите си заминаа во странство. Барат работници ама нема. Да можеме ние да се вратеме назад да работеме, ама тешко. Сите си аминаа во Германија, Италија, Швајцарија. Имат потреба од работа, ама платите овде се мали, па затоа бегат на страна„ велат анкетираните светиниколчани.
Според последниот попис околу 100.000 граѓани, кои во 2002 биле на возраст од 15 до 19години, а денес би имале 29 до 35 години, не живеат во државата. Но не само демографското преструктирање е причина за намалената работна сила. Фабриките во ТИР зоните се сериозен опонент на македонските компании. Од три отсто од луѓето кои секоја година заминуваат од кај нив, еден отсто наоѓаат нови работни места во директните странски инвестиции.
Александра Ристесвска
