Милијарди за автопати, милијарди за хидроцентрали. Во последната година од мандатот, власта еден по еден склучува договори за мега проекти кои кријат многу контроверзи. Без доволен отчет пред јавноста, се стави параф на договорот со Бехтел и Енка, а како најново, се договори и изградбата на ХЕЦ Чебрен кој го добива грчката компанија Архиродон….Двата проекта чинат најмалку две ипол милијарди евра, а договорите за нивна реализација се уште не се познати за пошироката јавност. Стратегијата на власта е информациите во јавноста да ги соопштува дозирано, што според експертите отвора многу дилеми. Клучната е колку реално тие се во интерес на граѓаните, а колку на структури блиски на власта, со оглед на информациите кои се фирми и компании се вклучени во ззделките. Посебно онаа за изградбата на двата коридора. Дел од упатените немаат дилеми дека власта не води грижа за интересот на граѓаните, а ниту ги интересираат забелешките од експертите:
На Премиерот на Македонија воошто не му е важен интересот на граѓаните . Што значи дека потпишувањето на штетни договори, еве на пример договорот за Бехтел и Енка кој сеуште не знаеме колку ќе чини и кој ќе го плати на крајот , немаме анализа на тие коридори . Дополнително и за градењето на Чебрен . Договорите делуваат висококоруптивни и затоа не даваат експертската јавност да ги види, вели Пеќевски .
Според Пеќевски , јавниот интерес е на второ место по агендата која ја има власта и тоа се гледа во целокупниот начин на носење одлуки по разни клучни прашања за државата :
Начинот на кој владее СДС и ДУИ е добро познат на граѓаните . Сето она што го прават вклучително и со носење на закони, лажно европско знамнце. Кажува колку се спремни се да направат за да ја истуркаат својата агенда без притоа да им значи мислењето на граѓаните на некој начин мислењето на експертската јавност , вели аналитичарот Синиша Пеќевски .
Најголемите проекти во Македонија власта ги реализира без да дознаеме детали за нив . Никој се уште не го видел договорот на 400-ти страници со Бехтел и Енка за изградба на коридорите 8 и 10 д. Допрва се одмотува клопчето и за условите во тендерот за изградба на ХЕЦ Чебрен, за кој експертите по енергетика веќе пресметаа дека ќе чини двојно поскапо од проценките во стратегијата за развој на енергетиката. Дополнително, нема одговор зошто власта се реши овој проект да го додели на странски концесионер, а не да го гради државата. Со ова според експертската јавност, власта прави двојна штета бидејќи државата и натаму ќе биде енергетски зависна.
Кристина Алексиеска
