Претседателката на Индија во историска посета на Македонија, прва на еден индиски претседател на државава. Друпади Мурму пречекана со стите државни и воени почести.
Во разговорите со претседаталката на Македонија Гордана Сиљановска Давкова, главната тема беше продлабочување на економската соработка, поставени амбициозни цели за соработка, трговската размена меѓу Македонија да порасне од 133 милиони долари на 500 милиони, во следните пет години.
Сиљановска Давкова вели дека Индија треба да ни биде пример како да напредуваме во економијата, бидејќи покрај што станувало збор за една најстарите и најтрајни цивилизации тие се и една од најголемите економски сили во светот.
-Дојде време нашето економско партнерство да го достигне квалитетот на нашите политички односи. Економската трансформација на Индија е веројатно една од највпечатливите успешни приказни на дваесет и првиот век. Во текот на само една генерација, Индија прерасна во водечка економска сила во светот, станувајќи еден од глобалните центри на иновациите, дигиталните технологии и претприемништвото, изјави Сиљановска Давкова.
Важноста на посилна економска соработка ја потенцираше и Мурму. Нагласи дека двете држави се согласиле да работат на интензивирање на трговската и инвестициска соработка, како и на продлабочување на партнерствата меѓу деловните заедници.
-Се согласивме билатералната трговија да ја зголемиме двојно во однос на сегашниот обем. Разговаравме за соработка во клучни области како информатичките технологии, земјоделството, прехранбената индустрија, фармацијата, туризмот, угостителството и аудиовизуелните уметности, изјави Мурму.
Мурму се сретна и со премиерот Христијан Мицкоски. Тој порача дека оваа историска посета претставува значаен чекор, кон отворање нови перспективи за соработка меѓу двете пријателски држави и потврда на заедничката определба за гаредење посилни врски во иднина.
-Во пријателска и конструктивна атмосфера разговаравме за можностите за понатамошно унапредување на билатералните односи, продлабочување на економската соработка, трговската размена, инвестициите, како и за зајакнување на партнерството во повеќе области од заемен интерес, изјави Мурму.
Како дел од зајакнувањето на соработката, споемната беше и можноста да за отворање на амбасада на Индија во државава. Покрај со Мицкоски и Сиљановска Давкова, Мурму се сретна и со собранискиот спикер Африм Гаши, се обрати пред народните избраници во Собранието, а положи и венец на гробот на Гоце Делчев во црквата Свети Спас.
Матеја Петровски
