Додека опозицијата блокира, Владата активно работи на реформскиот пакет. Со засилена динамика веќе течат активностите околу законите, чиј рок е до крајот на годинава. Македонија од Брисел повторно добила пофалби дека е една земјите лидери во исполнувањето на Планот за раст, кој диреткно за македонските граѓани носи милиони евра европски пари. Премиерот Христијан Мицкоски кажа дека утринава имал онлајн состанок со директорот за проширување во Евроспката комисија, Герт Јан Коопман, на кој биле повторени заложбите за работа на раформите.
-Разговараме веќе за оние закони и оние реформски чекори кои што се во грејс период до декември оваа година и кој што се во предвидениот рок од декември оваа година. Така што ние продолжуваме со несмалена динамика да испорачуваме. Денеска од нивна страна добивме условно да кажеме и одреден комплимент дека сме први од сите земји кои што започнуваат со овие чекори да се занимаваат, додека другите се уште немаат таква намера, изјави Мицкоски.
Од обврските кои требаше да бидат завршени до 15-ти јули, Македонија исполни 9 од 10 точки, поради блокадите на опозицијата, неисполните се само измените во изборниот законик. Мицкоски потенцираше дека речиси сите оние закони кои се во редовна процедура се завршени. Повоторно ги повика опозициските партии да напишат каков сакаат текст, согласно препораките на ОБСЕ и ОДИХР, со вклучено гласање на дијаспората, и тие како владејачко мнозинство веднаш ќе го прифатат.
-Апелирам на одговорност, на зрелост кај претседателите на СДСМ, на Левица, на ДУИ, на останатите формални или неформални групи во Парламентот. Да седнат како коалиција да се договорат и да донесат документ, кој што еве ние веднаш ќе го прифатиме. Така што, мислам дека треба зрело да се однесуваат претседателите на политичките партии СДСМ, Левица и ДУИ, изјави Мицкоски.
Инаку, поради блокирањето на изборниот законик Македонија остана без нешто повеќе од четири милиони евра европски пари. Тие се дел од вкупниот пакет предвиден за државава, во вредност од 750 милиони. За успехот на реформскиот пат, пред две недели од Скопје потврда стигна и од еврокомесарката за проширување Марта Кос, која порача дека Македонија е меѓу лидерите, со исполнети 90 проценти од планот за раст.
Матеја Петровски
