Полициски службеници од Полициската станица за безбедност на патниот сообраќај при СВР Куманово, вчера во 16:25 часот го привеле 22-годишниот Л.И. од селото Липково.
Како што соопшти денеска МВР, при сообраќајна контрола било утврдено дека управувал патничко возило „БМВ“ со брзина од 96 километри на час во населено место каде што максимално дозволената брзина е 40 километри на час.
По целосно документирање на случајот, против него ќе биде поднесена кривична пријава согласно член 297-а од Кривичниот законик – „Безобѕирно управување со моторно возило“.
