Лице од струшкото село Франгово управувало моторно возило без положен возачки испит, возилото е одземано соопшти денеска СВР Охрид.
Според информацијата, вчера во 10 часот и 45 минути полициски службеници од ОВР Струга, од слобода го лишиле М.Д.(32) од селото Франгово.
– При контрола во сообраќајот извршена на улицата „Маркс Енгелсова“ во Струга, било сопрено патничко моторно возило „Голф“ со струшки регистарски ознаки, кое М.Д. го управувал и притоа, било констатирано дека немал положено возачки испит со што го загрозил јавниот сообраќај, стои во соопштението.
По насоки на јавен обвинител, возилото било одземено и по целосно документирање на настанот, против лицето ќе биде поднесена соодветна пријава.
