Земјите од ЕУ се согласија за нова рунда санкции кон Русија

Дваесет и седумте земји-членки на ЕУ се согласија за 18-ти пакет санкции, насочен кон Русија, поради инвазијата на Украина. Пакетот санкции е насочен кон – финансискиот и енергетскиот сектор на Русија и доаѓа како одговор на одбивањето на претседателот Владимир Путин да се согласи на безусловно примирје во Украина. Словачка го блокираше пакетот, наведувајќи загриженост во врска со увозот на гас, но премиерот Роберт Фицо сепак им наложил на претставниците на Словачка да ги одобрат мерките. Фицо спомена дека продолжувањето на блокирањето на потегот би било „контрапродуктивно“ за интересите на Словачка како членка на ЕУ.