Од денска до 20 мај во Скопје ќе се одржи 11-тиот Форум на Стратегијата на Европската унија за Јадранско-јонскиот регион (ЕУСАИР).
Како што соопштија од Министерството за европски праѓања, Форумот, под мотото „ЕУСАИР во акција: од заложба до влијание“, претставува настан од висок ранг на кој се очекува учество на високи претставници од земјите учеснички, како и претставници на институциите на Европската унија.
ЕУСАИР е иницијатива поднесена до Европската комисија од земји-членки на ЕУ, чија цел е промовирање на одржлив економски и социјален развој во Јадранско-јонскиот регион. Во рамки на стратегијата се опфатени десет земји – Хрватска, Грција, Италија и Словенија како членки на ЕУ, како и Албанија, Босна и Херцеговина, Македонија, Сан Марино, Црна Гора и Србија.
Форумот ќе опфати повеќе теми, меѓу кои унапредувањето на спроведувањето на ревидираниот Акционен план на ЕУСАИР, зајакнувањето на соработката во контекст на проширувањето на Европската унија, вклучувањето на младите, справувањето со демографските предизвици, како и поддршката на прекуграничната соработка и регионалната интеграција.
