Домот на директорот на Управата за извршување санкции, Александар Пандов, бил запален во текот на ноќта во селото Орешани, општина Зелениково. Пандов јавно објави снимка од инцидентот и изрази сомнеж дека станува збор за намерен напад, поврзан со неговата работа во борбата против организираниот криминал.
„Ова е цената што ја плаќаме за залагањето за владеење на правото без калкулации. Имам основано сомневање дека станува збор за смислен атак од криминални структури“, изјави Пандов преку социјалните мрежи.
Тој нагласи дека нема да дозволи ваквите закани да го поколебаат и дека борбата против криминалот ќе продолжи со уште поголема одлучност. Според него, кога институциите дејствуваат против мафијата, таа возвраќа со насилство.
„Ова нема да ме запре – напротив, само не зајакнува. Очекувам институциите да го пронајдат и санкционираат сторителот. Нема враќање назад кога се бориш за правда“, додаде Пандов.
Надлежните органи сè уште не излегоа со официјални информации за инцидентот. Истрагата е во тек.
