Заменик-министерката за европски прашања Викторија Трајков денеска оствари средба со амбасадорката на Романија, Моника Аксинте.
– Во фокусот на разговорите беа билатералните односи, европската интеграција на Македонија, реформските процеси и можностите за продлабочување на соработката меѓу двете земји – соопшти Министерството за европски прашања.

Трајков ја истакнала важноста на континуираната поддршка и размената на искуства со земјите членки на Европската Унија посочувајќи дека регионалната соработка и партнерствата се значајни за забрзување на европската перспектива.
Од МЕП додаваат дека на средбата било разговарано и за можностите за интензивирање на институционалната комуникација и соработката во областите од заемен интерес.

