Комората на овластени архитекти и овластени инженери, во Битола одржува дводневна годишна средба на архитекти и архитекти урбанисти.
На покана на организаторот, учесниците ги поздрави градоначалникот на Општина Битола Тони Коњановски, кој во своето обраќање главен акцент стави на новиот Генерален урбанистички план на Битола кој го подготвува локалната самоуправа.

-Генералниот урбанистички план на Битола е најважниот стратешки документ кој се однесува на планирањето на градот и е поврзан со неговиот понатамошен развој. Улогата на архитектот денеска е голема, особено во време на дигитализација, вештачка интелигенција и новите општествени потреби – истакна Коњановски.
На првиот ден од годишната средба, Општина Битола и Комората на овластени архитекти и овластени инженери на Македонија, потпишаа меморандум за соработка во областа на архитектурата, урбанизмот, просторното и урбанистичко планирање, инженерството, инфраструктурата, заштитата и унапредувањето на културното наследство.

