Феликс Баумгартнер, австрискиот екстремен спортист, кој прв изведе скок од вселената, загина на 56 години во несреќа со параглајдер. Баумгартнер загинал во Италија, додека летал со моторен параглајдер. Нагло му се слошило среде лет, по што изгубил контрола врз параглајдерот и паднал во хотелски базен во село на Јадранскиот брег. Баумгартнер се прослави во 2012-тата година, кога скокна на Земјата од хелиумски балон во вселената, притоа поставувајќи светски рекорд, откако леташе 38 километри, достигнувајќи максимална брзина од 1,25 маха, или 1.342 километри на час, со што стана првиот човек кој ја пробил звучната бариера без моторен погон.
