Било нормално во армија од 8000 луѓе да се појават болести, па дури и шуга, ова беше изјавата на министерката за одбрана Радмила Шекеринска, за случајот со појава на шуга во касарната во Велес.
Министерката вели нема простор за паника, шугата не се појавила во касарната туку била во процес на инкубација кај војник кој доброволно се пријавил.
Знаете како, имаме 8000 војска и се разбира дека тој систем функционира, болести имало и ќе има. Дефинитивно се работи за војник на доброволно служење на војска, којшто со соодветната здравствена состојба почнал да го служи воениот рок, меѓутоа поради одредениот период на присуство на болеста која не може да биде регистирианаод страна на здравствените органи било таму, меѓутоа апсолутно е неточно дека касарната не функционира, истакна денеска министерката Шекериснка.
Инаку заразениот војник како и сите други војници на почеток на службата бил прегледан за да се утврди неговата здравствена способност, но со оглед дека тогаш уште траела инкубацијата, заразата не била откриена. Војникот сега е испратен дома, но постојат сомнежи дека шугата се проширила кај уште двајца војници кои сега се набљудуваат.
Сите останати војници редовно ги извршуваат своите должности во посочената касарна, со исклучок на викендите кои секогаш ги поминуваат дома, велат од Министерството.
Мери Ѓорѓиевска
