Познатиот холивудски актер Џеки Чен, кој е нов бренд амбасадор на ЕКСПО 2027 во Србија, денеска имаше средба со српскиот претседател, Александар Вучиќ.
Во објава на Инстаграм, Вучиќ изјави дека е убеден оти Џеки Чен, како промотор на ЕКСПО 2027, ќе обезбеди силна поддршка во презентирањето на настанот, што ќе ја стави Србија во центарот на глобалното внимание и ќе го доближи духот на игрите што ЕКСПО ги промовира до светот.
„Белград одамна стана нов дом за многу светски ѕвезди, а овој пат имаме посебно задоволство да бидеме домаќини на познатиот Џеки Чен, човек чија кинематографска уметност продолжува да ги инспирира сите генерации“, додаде Вучиќ.
