Децата се најголемото богатство на нашето општество и гаранција за иднината на државата. Затоа, секоја одговорна политика треба во својот фокус да ги има нивната благосостојба, образованието и перспективата, се наведува во соопштението од ВРЕДИ.
По повод 1 Јуни, Меѓународниот ден на детето, потсетуваме дека многу години нашите семејства се соочуваа со недостаток на перспектива, слаби институции и услови кои принудија илјадници граѓани да бараат подобра иднина надвор од државата за своите деца.
Денес започна ново поглавје. Промената што ја градиме во рамките на нашето владеење како ВРЕДИ има за цел на младите генерации да им остави држава со поквалитетно образование, поголеми можности и институции кои работат за граѓаните. Наместо економија на иселување, градиме економија на останување, враќање и инвестирање.
Децата се темелот на нашата иднина, им должиме подобро утре. За нив и за нивната иднина ќе продолжиме да работиме посветено и одговорно.
Среќен 1 Јуни на сите деца!
