Вработените со итно барање до Собранието да избере нов правобранител

Во безизлезна ситуација се наоѓа институцијата Народен правобранител, која треба да биде посветена на заштита на човековите слободи и права, а воедно и механизам за надзор и следење на законитото работење на институциите од јавниот сектор, локалната самоуправа и јавните претпријатија, алармираат вработените до законодавниот дом. Тие го повикуваат собранието да избере веднаш нов народен правобранител бидејќи вработените во Народниот правобранител, неможат да си ги остварат многу од своите права од работен однос, а од јануари 2026-та година, веројатно нема да земаат ни личен доход, со што ќе престане да се уплаќаат редовните уплати за социјално и здравствено, но и за пензиско осигурување.