Прилепскиот суд го осуди на условна казна вработениот во болницата во Прилеп кој беше обвинет за проневера во службата, односно се товареше дека од август 2024 до април 2025 година си зел речиси 35 илјади евра кои пациентите ги уплаќале за здравствени услуги.
Обвинетиот ги вратил парите кои ги зел противзаконито, но останува кривичната одговорност – информираше директорот на Финансиската полиција, Слободан Ивановски.
Финансиската полиција работеше на овој случај, што за Ивановски е уште една потврда дека злоупотребата на јавни средства нема да биде толерирана, без разлика на тоа кој е сторителот.
„Правдата мора да важи подеднакво за сите. Последици има и ќе има за секој обид за лично богатеење на сметка на граѓаните“, напиша директорот на Финансиската полиција.
