Вооружени судири избија рано утрово меѓу Тајланд и Камбоџа, соопштија војските на двете земји, тврдејќи дека другата страна ги испукала првите истрели.
Тајландската војска во соопштението наведува дека вооружените сили на соседна Камбоџа отвориле оган врз спорната погранична област во близина на храмот Та Моан Том, на околу 360 километри од главниот град Бангкок, при што загинале девет цивили. Камбоџа тврди дека тајландската армија извршила напад на две нејзини провинции, но нема информации за жртви.
