Ја започнуваме оваа недела на лансирната рампа во Флорида.
Оттаму, ракетата на Спејс Икс го носи лунарниот лендер Атина на Интуитив Машинс.
Неговата мисија е безбедно да го испорача товарот блиску до јужниот пол на Месечината.
Ако сè оди според планот, Атина ќе слета во околу 20 метри длабок и црн кратер со помош на германски и унгарски инструменти во потрага по замрзната вода.
Атина треба да слета на шести март.
На друго место во нашиот Сончев систем, ново откритие за Марс и р’ѓосаните црвени минерали што ја прават планета, црвена.
„Ова најново истражување, кое е спроведено преку комбинација на набљудувања од европски и американски орбитери и лендери, навистина покажува дека видот на р’ѓата што ја има на Марс е многу послична на р’ѓата со која ни е позната на Земјата, која не е суво оксидирано железо, но всушност има значителна содржина на вода во неа“ изјави Colin Wilson, European Space Agency.
Научниците ги објавија своите наоди во списанието „Нејчар Комуникајшнс“ и велат дека новото истражување објаснува како бојата на планетата станала толку црвена.
„Сега знаеме дека р’ѓата настанала во присуство на вода. И, исто така, мора да имало некаков вид на кислород, можеби од водата или од воздухот или од други извори што го помогнал процесот на р’ѓосување“ рече Adomas Valantinas, Brown University.
Истражувачите велат дека ветровите веројатно ја разнесле оваа р’ѓосана прашина низ целата планета. Но, без врнежи не е измиена, и таа едноставно седи таму како што ја гледаме денес.
Откритието води до повеќе прашања.
„Научниците сè уште се обидуваат да откријат каква топлина имало. Мислам… мора да било доволно топло за да се одржи водата како течност на површината. … Секоја мала трага како оваа… за тоа каде би можеле да се формираат различни минерали нè доближува до разбирање како би можело да изгледа тоа минато“рече Colin Wilson, European Space Agency.
Научниците велат дека мисиите на Марс стануваат поверојатни ако таму има вода за поддршка на екипажот и за производство на ракетно гориво за патувањето назад.
Конечно оваа недела, нашиот Сончев систем нè третира со феноменот наречен „планетарна парада“ или праволиниско формирање на планетите на небото.
„Значи, она што е прекрасно во обидот да се бараат планети на небото е тоа што всушност неколку од нив се видливи со голо око. Не ви требаат никакви алатки како двогледи или телескопи. Значи, ако сакате да ги гледате планетите со голо око, како што ги нарекуваме, тогаш Венера и Сатурн во западниот дел од небото, ќе бидат видливи со голо око. Тогаш би требало да можете да ги забележите и Јупитер и Марс на исток. Венера и Јупитер обично се најсветлите“ изјави Dhara Patel, National Space Centre.
Планетарната парада треба да биде видлива на ведро небо веднаш по зајдисонце.
Јованчо Наумоски – Глас на Америка
Араш Арабасади – Глас на Америка
